energyradio888@gmail.com

+250 788 342 031

Grace Mugabe ntakozwa ibyo gutaburura umubiri w’umugabo we

Grace Mugabe ntakozwa ibyo gutaburura umubiri w’umugabo we
Yanditswe kuwa : 2021-10-06 10:16:16

IMG

Zimbabwe′s former First Lady Grace Mugabe investigated for ivory smuggling  | News | DW | 25.03.2018

Mugabe yashyinguwe mu 2019 ku ivuko rye ahitwa Kutama, mu birometero 90 uvuye mu Murwa Mukuru, Harare.

Umuryango we icyo gihe wanze kumushyingura mu kibanza cy’irimbi ry’intwari i Harare aho bari batangiye gutegura.

Muri Gicurasi uyu mwaka, hari umuyobozi gakondo waciye Grace Mugabe inka eshanu n’ihene ebyiri amuziza gushyingura Mugabe mu buryo butamuhesha icyubahiro, anategeka ko atabururwa umubiri we ukajya gushyingurwa i Harare.

Abana ba Mugabe bahise bajya kwitambika uwo mwanzuro w’umuyobozi gakondo, baregera urukiko ariko narwo mu kwezi gushize rwategetse ko Mugabe atabururwa kuko abana be nta burenganzira bafite ku ishyingurwa rye.

Byatumye Grace Mugabe nk’uwo bari barashakanye byemewe n’amategeko ahaguruka abyigiramo.

Hari inyandiko z’ubujurire yatanze kuri uyu wa Mbere mu rukiko rukuru, asaba ko urukiko rutesha agaciro itegeko ry’umuyobozi gakondo kuko nta cyo yashingiyeho.

Robert Mugabe yapfuye tariki 6 Nzeri 2019 aguye muri Singapore aho yari agiye kwivuza. Hari hashize imyaka ibiri ahiritswe ku butegetsi n’igisirikare, nyuma y’imyaka 37 ayoboye Zimbabwe.

Guverinoma yashakaga ko ashyingurwa mu irimbi ry’intwari ariko umuryango we urabyanga.

Yanditswe na:

   Yunusu TURATSINZE




Share:
Copyright © Energy Radio. All rights reserved | Designed by Top 5 Technologies