U Rwanda rwasimbuje abapolisi mu butumwa bw’amahoro muri Sudani y’Epfo

Abapolisi b’u Rwanda bagize itsinda RWAFPU3‑7, bari bamaze umwaka mu butumwa bw’amahoro bw' Umuryango w’Abibumbye muri Sudani y’Epfo (UNMISS), basimbuwe n’itsinda RWAFPU3‑8 rigiye gushyira mu bikorwa inshingano zo gukomeza umusanzu w’u Rwanda mu kubungabunga amahoro n’umutekano muri ako karere.

Abo basimbuwe bageze ku Kibuga cy’Indege Mpuzamahanga cya Kigali i Kanombe ku wa 12 Gashyantare 2026, bakirwa n’umuyobozi mukuru wa Polisi y’u Rwanda, Commissioner of Police (CP) Yahaya Kamunuga, wamushimiye imyitwarire n’umurava byagaragajwe n’abapolisi bari bamaze igihe mu butumwa bw’amahoro.

Mu butumwa bwe, SP Vincent Rubimbura, Umuyobozi Wungirije w’itsinda rivuye mu butumwa, yashimangiye ko abapolisi bakoraga ibirenze inshingano za gisirikare, barimo ibikorwa by’iterambere nko gukora umuganda rusange, gutanga ubuvuzi, gusana amashuri, kugeza amazi meza ku baturage ndetse no gufasha abanyeshuri batishoboye ku bikoresho by’ishuri n’ibikoresho by’isuku. Ibi bikorwa byafashije kugaragaza ubufatanye n’ubwizerane hagati y’abapolisi b’u Rwanda, Umuryango w’Abibumbye, n’abaturage bo muri Sudani y’Epfo.




Source Name: InyaRwanda.com
Original Link:
https://inyarwanda.com/rw/amakuru/u-rwanda-rwasimbuje-abapolisi-mu-butumwa-bwamahoro-muri-sudani-yepfo-1770954094343