Perezida wa FERWAFA yashimiye Perezida wa FIFA, Gianni Infantino, ku bwo kuba amaze imyaka 10 ayoboye Ishyirahamwe ry’Umupira w’Amaguru ku Isi (FIFA). Yagaragaje ko mu gihe cy’ubuyobozi bwe, habaye impinduka n’iterambere bifatika mu mupira w’amaguru hirya no hino ku isi, harimo no mu Rwanda.

Yashimangiye ko gahunda zitandukanye za FIFA zagize uruhare rukomeye mu guteza imbere ruhago, cyane cyane mu bihugu bikiri mu nzira y’amajyambere. Muri izo gahunda, harimo izashyigikiye ibikorwa remezo, iterambere ry’impano z’abakinnyi bato, ndetse no kongera ubushobozi bw’amashyirahamwe y’umupira w’amaguru.

Perezida wa FERWAFA yongeyeho ko bakomeje kungukira mu mikoranire myiza n’ubuyobozi bwa FIFA, kandi biteguye gukomeza gufatanya mu rwego rwo guteza imbere umupira w’amaguru mu Rwanda no ku rwego rw’akarere.

Source: InyaRwanda.com

Link: https://inyarwanda.com/rw/amakuru/perezida-wa-ferwafa-yashimiye-gianni-infatino-umaze-imyaka-10-ayobora-fifa-1772376678864