Harry Kane watwaye Ballon d'Or 2026 ntiyabonetse mu ikipe y'abakinnyi 11 beza b'umwaka ya FIFPRO

November 10, 2026

21:10

By Abdullah TUYIZERE

Ishyirahamwe mpuzamahanga ry'abakinnyi b'umupira w'amaguru babigize umwuga (FIFPRO) ryatangaje ikipe y'abakinnyi 11 bahize abandi mu mwaka wa 2026, izwi nka FIFPRO Men's World 11. Igitangaje ni uko Umwongereza Harry Kane, uherutse gutwara Ballon d'Or, atabonetse muri iyi kipe.

Harry Kane watwaye Ballon d'Or ku wa 26 Ukwakira 2026, mu birori byabereye ahitwa London Palladium mu Bwongereza. Yabaye Umwongereza wa mbere uyitwaye kuva Michael Owen yayitwara mu 2001, atsinze Kylian Mbappé na Lamine Yamal nyamara abakinnyi bagenzi be ntibamushyize mu ba rutahizamu bane ba mbere. Mu matora yitabiriwe n'abakinnyi ibihumbi cumi n'icyenda na maganinane na batandatu (19,806) bo mu bihugu 73, Kane yabonye 27.6% by'amajwi, aba uwa gatanu. Nk'uko byatangajwe, ni ubwa mbere kuva FIFPRO World 11 itangira mu 2005 uwatwaye Ballon d'Or mu mwaka umwe ntaboneke muri iyi kipe y'umwaka wa 2026.

Uko amajwi y'amatora yagenze.

Buri mukinnyi yasabwe gutora ba rutahizamu batatu bahize abandi mu mwaka w'imikino wa 2025-26. Kylian Mbappé ni we waje imbere n'amajwi 46.0%, akurikirwa na Lamine Yamal wabonye 37.4%. Lionel Messi yabaye uwa gatatu n'amajwi 29.5%, naho Erling Haaland aba uwa kane n'amajwi 28.4%. Harry Kane yaje ku mwanya wa gatanu n'amajwi 27.6%, asigara inyuma ya Haaland ku manota 0.8% gusa, naho Messi amurusha 1.9%. Ni ukuvuga ko ikinyuranyo cyari gito cyane. Michael Olise yabaye uwa gatandatu (15.6%), Khvicha Kvaratskhelia uwa karindwi (14.4%), naho Cristiano Ronaldo aba uwa munani (13.2%). Ousmane Dembélé yabaye uwa cyenda (9.3%), naho Raphinha aba uwa cumi (7.5%).

Ikipe ya FIFPRO y'umwaka wa 2026.

Umunyezamu ni David Raya wa Espagne. Mu bwugarizi harimo Nuno Mendes wa Portugal, Pau Cubarsí wa Espagne na Achraf Hakimi wa Maroc. Hagati mu kibuga harimo Jude Bellingham w'Ubwongereza, Rodri wa Espagne na Vitinha wa Portugal. Imbere harimo Kylian Mbappé w'Ubufaransa, Erling Haaland wa Norvège, Lionel Messi wa Argentine na Lamine Yamal wa Espagne. Espagne ni yo ifite abakinnyi benshi muri iyi kipe, bane: Raya, Cubarsí, Rodri na Yamal.

FIFPRO World 11 ni cyo gihembo cyonyine ku rwego rw'isi gitorwa n'abakinnyi ubwabo gusa, naho Ballon d'Or itorwa n'abanyamakuru ndetse nabakinyi bahagarariye abandi. Ibi byerekana ko hari ubwo ibitekerezo by'abanyamakuru n'iby'abakinnyi bidahura ku mukinnyi wahize abandi, Harry Kane ni we ubigaragaje neza muri uyu mwaka.