Amerika yategetse bamwe mu bakozi ba ambasade n'imiryango yabo kuva muri Arabiya Sawudite kubera iterabwoba ry'Abahuthi

Tommy Pigott, umuvugizi wa Minisiteri y’Ububanyi n’Amahanga ya Amerika., yanditse kuri X ati: «Minisiteri y'Ububanyi n'Amahanga ya Amerika yatanze itegeko rya (ordered departure)   ku bakozi ba leta ya Amerika batari ab'ingenzi mu bihe by'ibyago n'imiryango yabo bari muri Arabiya Sawudite.» Yongeyeho ati: «Abahuthi bashyigikiwe na Irani barushijeho kugaba ibitero kuri Arabiya Sawudite, harimo ibitero ku bibuga by'indege by'abaturage n'ibindi bikorwaremezo by'ingenzi, byahitanye abasivili kandi bigatera ihungabana rikomeye mu ngendo.»

Mu gihe minisiteri y'ububanyi n'amahanga ya America . ikomeje kugabanya umubare w'abakozi bayo muri Arabiya Sawudite kubera ibyago byiyongera, indi miryango ya dipolomasi ya Amerika mu karere nayo irimo guhindura imibare y'abakozi bayo kubera iterabwoba ry'Abahuthi, nk'uko byatangarijwe CNN. Umukozi wa State Department yagize ati: «Ibi bijyanye n'Abahuthi.»

Mu gihe minisiteri y'ububanyi n'amahanga ya America. kandi yatanze integuza y'umutekano ku wa Gatatu, isaba abaturage ba Amerika kwitondera ibitero bishobora kugabwa ku bibuga by'indege n'ihungabana ry'ingendo muri rusange. Iyo nteguza yaje nyuma y'uruhererekane rw'ibitero by'Abahuthi byahitanye abantu mu byumweru bishize, byibasiye ikibuga cy'indege mpuzamahanga cya King Khalid i Riyadh, ibikorwa bya gisirikare bya Arabiya Sawudite, ibikorwaremezo bya peteroli n'ingendo zo mu mazi.

Integuza yagize iti: «Abakozi ba leta ya Amerika bakorera muri Arabiya Sawudite bakeneye uruhushya rwihariye rw'umuyobozi w’ubutumwa (Chief of Mission) kugira ngo bakoreshe ikibuga cy'indege icyo ari cyo cyose muri Arabiya Sawudite, nyuma y'ibitero bya misile n'indege zitagira abapilote (UAV) byagabwe ku bibuga by'indege byo muri iki gihugu.»

Ingabo zishyigikiwe na Arabiya Sawudite zifatanyije na leta ya Yemeni yemewe n'amahanga zagize ubwiyongere mu bikorwa byo kurwanya ibirindiro by'Abahuthi ku mirongo itandukanye y'urugamba, mu gihe ingabo zo mu kirere za Arabiya Sawudite zikomeje kuzitera inkunga.

Ku wa Gatatu, Arabiya Sawudite yavuze ko yarashe indege zitagira abapilote nibura zirindwi, harimo imwe yari igamije uruganda rwa peteroli rwa   Shaybah mu Ntara y'Iburasirazuba. Icyo gitero cyahitanye abakozi babiri b'abanyamahanga kandi gikomeretsa abandi babiri.

Ku mugoroba wo ku wa Gatatu, nibura umuntu umwe yahasize ubuzima abandi umunani barakomereka mu gitero cyagabwe ku kibuga cy'indege mpuzamahanga cya King Fahd I Dammam mu burasirazuba bw'igihugu, nk'uko byatangajwe n'Ikigo gishinzwe Indege za Gisivili cya Arabiya Sawudite. Icyo kibuga cyangiritse, ariko ingano y'ibyangiritse iracyagenzurwa.

Amerika yongereye inkunga ya gisirikare iha iki gihugu, inibanda cyane k'ubutasi n'ubufasha mu gutoranya aho kurasa. nubwo bimeze bityo ariko  Arabiya Sawudite imaze igihe isaba Amerika inkunga irushijeho ijyanye no kugaba ibitero, kugeza ubu Perezida Donald Trump yafashe icyemezo cyo kutarasa Abahuthi. Mu ntangiriro z'uku kwezi, Trump ntiyigeze atanga igisubizo gisobanutse ku birebana n'ibitero bya Amerika bishoboka, mukiganiro n'abanyamakuru yatangaje ko ibitero by'Abahuthi bitemewe kandi ko Amerika izareba niba izifatanya na Arabiya Sawudite.

Mu gihe Arabiya Sawudite irushaho kwibasirwa, ibindi bihugu byinshuti nayo byongereye inkunga.  aho kuri uyu wa Kabiri, u Bwongereza bwavuze ko buzohereza indege z'intambara kurinda Arabiya Sawudite ibitero by'Abahuthi. Misiri nayo yatangaje ko izatanga uburyo bwose bukenewe kandi bushoboka bw'inkunga mu minsi ishize.