Romelu Lukaku yasezeye mu ikipe y'igihugu y'u Bubiligi nyuma y'imyaka 16

Romelu Lukaku yasezeye mu ikipe y'igihugu y'u Bubiligi nyuma y'imyaka 16

Rutahizamu w'ikipe y'igihugu y'u Bubiligi, Romelu Lukaku, yatangaje ko asezeye gukinira ikipe y'igihugu, asoza urugendo rw'imyaka 16 yari amaze ahagarariye igihugu cye.

Rutahizamu w'ikipe y'igihugu y'u Bubiligi, Romelu Lukaku, yatangaje ko asezeye gukinira ikipe y'igihugu, asoza urugendo rw'imyaka 16 yari amaze ahagarariye igihugu cye.Uyu mukinnyi w'imyaka 33 y'amavuko yemeje iyi nkuru kuri uyu wa Mbere tariki ya 16 Ugushyingo 2026, abinyujije ku rubuga rwe rwa Instagram. Lukaku asezeye afite amateka akomeye mu ikipe y'igihugu y'u Bubiligi, aho ari we uyoboye abandi mu gutsinda ibitego byinshi. Yatsinze ibitego 94 mu mikino 135 yakiniye igihugu cye kuva yatangira gukinira Red Devils mu 2010.

Mu butumwa bwe, Lukaku yavuze ko mu myaka 16 yamaze mu ikipe y'igihugu yayihaye imbaraga ze zose Yashimiye abakinnyi bakinanye, abatoza bamufashije mu rugendo rwe ndetse n'abafana b'u Bubiligi bamushyigikiye. Yagize ati: "Iyi myaka 16 nayihaye ikipe y'igihugu, nagize amarangamutima atandukanye. Nishimiye gukinana n'abakinnyi badasanzwe kandi nzahora mbashimira. Nishimiye buri mwanya namaze n'ikipe y'igihugu." Yakomeje avuga ko yishimira kuba yarahagarariye igihugu cye mu marushanwa akomeye, arimo imikino ine y'Igikombe cy'Isi n'amarushanwa atatu ya EURO.

Amateka Lukaku asize mu ikipe y'igihugu

Romelu Lukaku asezeye ari umukinnyi wa mbere mu mateka y'u Bubiligi watsinze ibitego byinshi mu ikipe y'igihugu, afite 94. Mu bakinnyi bose bamaze gutsinda ibitego byinshi mu makipe y'ibihugu ku rwego rw'abagabo, ari ku mwanya wa gatanu ku isi, inyuma ya Cristiano Ronaldo (146), Lionel Messi (126), Ali Daei (108) na Sunil Chhetri (95). Yagize uruhare rukomeye mu bihe byiza by'ikipe y'u Bubiligi, cyane cyane mu Gikombe cy'Isi cya 2018 cyabereye mu Burusiya, aho iki gihugu cyegukanye umwanya wa gatatu. Nubwo asezeye mu ikipe y'igihugu, Lukaku azakomeza gukina umupira w'amaguru ku rwego rw'amakipe. Ubu akinira Fenerbahçe yo muri Turikiya, nyuma yo kuva muri Napoli yo mu Butaliyani.Lukaku asize amateka akomeye mu ikipe y'igihugu y'u Bubiligi, aho ibitego 94 yatsinze bizakomeza kumugira umwe mu bakinnyi bakomeye mu mateka ya Red Devils.



Leave a Comment

LIVE STREAM

Morning Energy - 88.8 FM