Wenger azwi cyane kubera imyaka 22 yamaze atoza Arsenal, kuva mu 1996 kugeza mu 2018. Muri icyo gihe, yayihesheje ibikombe bitatu bya shampiyona y’u Bwongereza (Premier League) n’ibikombe birindwi bya FA Cup.
Umurage udasanzwe muri Arsenal
Kimwe mu bihe bitazibagirana mu mateka ya Wenger ni igihe yayoboraga Arsenal yatwaye Premier League ya 2003-2004 idatsinzwe umukino n’umwe. Iyi kipe yaje kumenyekana nka The Invincibles, izina ryerekana ubudahangarwa bwayo muri iyo shampiyona
Uretse ibikombe, Wenger yagize uruhare mu guhindura uburyo abakinnyi ba Arsenal biteguraga imikino, yibanda ku myitozo, imirire n’imikinire ishingiye ku guhererekanya umupira no gukina bisatira izamu. Uburyo bwe bwagize uruhare mu guhindura imikorere y’umupira w’amaguru mu Bwongereza.
Mu 2006, yayoboye Arsenal igera ku mukino wa nyuma wa UEFA Champions League, aho yatsinzwe na Barcelona ibitego 2-1. Nubwo atigeze atwara icyo gikombe ari umutoza wa Arsenal, yagize uruhare rukomeye mu kuyigeza ku rwego rwo guhatanira ibikombe bikomeye ku mugabane w’u Burayi.
Nyuma yo kuva muri Arsenal mu 2018, Wenger yakomeje kugira uruhare mu iterambere ry’umupira w’amaguru ku rwego mpuzamahanga, aho akorera FIFA mu bijyanye n’iterambere ry’umupira w’amaguru.
Leave a Comment